Alliance Consulting Group sh.p.k. ka profesionist të dëshmuar në menaxhimin e projekteve. Shumë biznese mund t`a shfrytëzojnë këtë mundësi që ACG e ofron në mënyra të ndryshme, duke nisur nga menaxheri i projektit, asistenca në menaxhim të projektit, menaxhimi financiar dhe të gjithë asistencën e nevojshme në realizimin e suksesshëm të projektit në tërësi.
Alliance Consulting Group sh.p.k. ka profesionist të dëshmuar në menaxhimin e projekteve. Shumë biznese mund t`a shfrytëzojnë këtë mundësi që ACG e ofron në mënyra të ndryshme, duke nisur nga menaxheri i projektit, asistenca në menaxhim të projektit, menaxhimi financiar dhe të gjithë asistencën e nevojshme në realizimin e suksesshëm të projektit në tërësi.
Menaxhimi i projekteve, qofshin ato të mëdha apo të vogla kërkojnë njohuri, përvojë dhe kompetenca të ndryshme. Fillimisht duhet poseduar një plan dhe një pasqyrë të qartë se si duhet të bëhet realizimi i një projekti. Të gjitha aktivitetet e përditshmërisë, paraqesin në vete projekte, edhe pse jemi jo shumë të vetëdijshëm dhe nuk mbajmë përgjegjësi. Pra çdo njeri është një lloj menaxheri i projektit, pasi që menaxhon, koordinon apo organizon një aktivitet të caktuar. Projektet në tërësi mund të shërbejnë dhe nënkuptojnë disa definime, si :
- Përpjekje e orientuar drejt rezultateve praktike dhe konkrete
- Veprim i përqendruar në zgjidhjen e problemeve apo çështjeve relativisht të ndërlikuara.
- Veprim me objektiva të qarta dhe rezultate të pritshme
- Veprim i kryer gjatë një kohe të caktuar, me burime të kufizuara financiare, teknike dhe njerëzore
- Veprim i planifikuar paraprakisht dhe i vlerësuar në fund të tij.
Procesi i menaxhimit të projekteve i ka disa faza të caktuara, si:
- Faza e inicimit të projektit
- Faza e planifikimit të aktiviteteve
- Faza e realizimit të projektit
- Mbikëqyrja dhe kontrolli i projektit
- Raportimi përfundimtar dhe përmbyllja e projektit.
E veçanta kryesore në menaxhimin e projekteve është ndarja e përgjegjësisë dhe vlerësimi i të gjitha aktiviteteve të ndara. Çdo projekt i caktuar duhet të emëroj Menaxherin e projektit, i cili është përgjegjës për komunikimin me sponsorët dhe investitorët. Ai është përgjegjës për koordinimin e aktiviteteve projektuese në mënyrë që projekti të realizohet suksesshëm, gjegjësisht ashtu që qëllimet e projektit të realizohen në kohën e dëshiruar në bazë të përllogaritjes së përcaktuar paraprake të projektit.
Menaxheri i projektit, për udhëheqje të projektit duhet të ketë:
- Aftësi komunikuese
- Profesionalizëm në menaxhimin e projekteve
- Njohuri për proceset e punës dhe të teknologjisë
Mbi këtë bazë, menaxhimi i projektit mund të përkufizohet si: “Tërësia e parimeve, metodave dhe teknikave që përdoren për planifikimin dhe kontrollin efektiv të projektit”.
Menaxhimi i projekteve duhet të bëhet përmes:
- Planifikimit efektiv
- Alokimin e burimeve
- Marrjen e vendimeve
- Kontrollimin
- Ri planifikimin
- Raportimin dhe
- Përfundimin